FacebookTwitterMr MaaroufInstagramPinterest

دروس من الثورة!

يوم الجمعة كان يوماً عظيماً
للتاريخ: كان يوم 11، سنة 2011، من شهر اتنين

 

اليوم ده عمره ما هايتنسي عبر السنين
هايتكتب في التاريخ ويحفظه محمد ومرقس وكوهين
اليوم ده اتعلّمت فيه مش بس درسين 

اتعلمت الحصاد حتماً هيكون لو بعد عمر
أو يومين اتنيــــــــــــــن
 
اتعلّمت إن فوق العالى أعلى
ده كلام قالهولي الإنجيل
 
اتعلّمت إن الإنسان مش بيرحم
حتى اللي في يوم اعطاه قرشين
 
اتعلّمت إن المسؤولية صعبة وعشانها
لازم الواحد يبقى دايماً صالح وأمين
عشان يوم ما هاتغلط الناس مش هاتفتكر
غير الغلط واللعب في الطين!
 
اتعلّمت إن الإنسان مش كامل حتى
ولو كان البطل في معركة حطين
 
اتعلّمت إن اللى غلط هاياخد
عقابه حتى ولو كان حلف اليمين
 
اتعلّمت إن العند ليه ناسه
مش مهم النتائج حتى ولو
ضحكت علينا كل البلاد
مش بس الصين!
 
اتعلّمت إن في ناس بتركب الموجة
هامُّهم مصالح شخصية يحققوا فيها
أطماعهم حتى ولو على حساب الدِّين!
 
اتعلّمت إن الإيد الوحدة تهزم جبال
وتكبّر عيال وتقوّي البلاد
وتخلّينا بجدّ بني أدمين
 
اتعلّمت إن مفيش حدّ شايف نفسه غلط
الكل تمام التمام مش ناقصه غير ورقة وقلم
ويقعد كده ويكتب قوانين
 
اتعلّمت إن الناس غدّارة
اللي كان معاه وفي أيام كان بيِحنيله الجباه
أصبح في يوم العدو يستاهل القتل
والضرب بالغدر والسكاكين
 
اتعلّمت إن الشعب المصري ده شربات
عليه خفة دم ملهاش مثيل
عادي ما هُمّا دول المصريين
 
اتعلّمت إن الشماتة شيء قبيح وجُبن
الناس نسيت انهم في يوم ممكن عليهم  ينقلب الناس
وينادوا عليهم شتّامين وشمّاتين
 
اتعلّمت إن في ناس أمينة
هامّهما مصلحة الكل والبلد
حتى ولو سُفكت ارواحهم
زي ولاد فلسطين!
 
اتعلّمت إن اللي بيتكلّموا عن الديمقراطية
معندهمش ربعها .. قال إيه اللي هايأيّد مبارك
هاشيلو من عندي في الفيس بوك واعتبره
من الفاسدين!!!
أُمّال فين حرية الرأي يا متعلّمين!!!
 
إحفظ بلادنا يـــــــــــارب
أنا واثقة فيك يارب العالمين
 
إنت الوحيد الصالح
والإله والسيد الأمين
 
ادّينا قلب مرفوع لك
ونقولّك آمين آمين ثم آمين


تعليقات (0)



بامكانك مشاركتنا تعليقك بمجرد أن تسجل نفسك عضوا في الموقع


تحميل تطبيق "الإيمان والحياة" Android iPhone iPad

اتّصال بنا بالهاتف الموبايل:

موبايلWhatsappViberLine

مصر: 201004768518+

مصر: 201142033424+

مصر: 201289309105+

لبنان: 96176425243+

Skype: khalil-maarifa

شارك هذه الصفحة: